ماسك روعة تينبت ورطب الشعر

فالحقيقة تلاقيت هاد الماسك فمنتدى مغربي عزيز عجباتني قلت لما لا نفيد أخواتنا المغربيات فهاد المنتدى نقلت الوصفة كما كتباتها الاخت
جزاها الله كل خير

السلام عليكم البنات هاد الماسك فايت لي نزلتو هنا وماخداش حقو كامل ومن بعد ما داومت عليه تقريبا شي شهرين قررت انني نعاود نزلو لانه بكل صراحة واعر اولا كيرطب الزغبة تانيا ما كيبقاش يطيح الشعر تالتا وهو المهم الخلفة كتولي غير جاية والشعر كيعمر انا والله جربتها رائعة بكل الكلمة نجيو للمقادير
كناخدو حب رشاد ونديروه يطبخ مع التومة انا كندير التومة بزاف كندير حتى لراس كامل ديال التومة بقشورها ملي كيتنفخ حب رشاد فوق البوطة كناخدوه ويكون مازال فيه الما وكنطحنوه فمولينكس ونصفيوه فليبة كيخرج لينا غسول انا كنقسمو ونحتافض بيه فالتلاجة ووقت الاستعمال كنجبدو حتى يطلق راسو وكنزيد عليه زيت الزيتون والوصفة فيها حتى القطران الرقيق انا استعملتو فالبداية لكن ريحتو ماقدرتش عليها ووليت كنستعمل غير الخليط ديال حب رشاد والتومة وزيت الزيتون والله النتيجة مانقولكمش غير جربو الماسك وماغتندموش نهائيا بنتي كان شعرها معجاز بزاف وما كيتزادش وداب تبارك الله قوا وبدا يطوال
ملاحضة مهمة التومة ماكتبقاش ريحنها نهائيا غير ماتعجزكمش على الوصفة وياريت تجربوها غتحسو بالفرق من المرة الاولى اه هاد الماسك كيدار 4 ساعات قبل الحمام

منقول

» الشعر الحب
» هام جدا:الهندسة في الشعر على جسم الانسان
» تعريف الشعر في المنظور العربي
» هل تعرفون اخطار الجل أو مثبت الشعر ؟
» مائوية الحركة الكشفية