أجي تشوف

موضوع: أجي تشوف الخميس يناير 20, 2011 10:02 am

وآ بنادم تعالى نحكي ليك
على الزمان البدال والصاحب الغدار
على ما صاير و على للي غادي يصير
على زمان كثروا فيه الذياب
كشروا على نيابهم و نساو لحباب
على للي كنتي دايرها خليلة
درتيها في عينيك و طلعات ضريرة
على وردة وسط الربيع تتباهى
وعلى النحل العشق لرحيقها تتوارى
أجي نحكي ليك على الدنيا و مدارت فينا
بجودها علينا ما سمحات
ظلم و مرارة
حتى ذبالت النوارة
بكيت و ما جفت دموعي صحت و ناديت
ولا من يسمع و يتسنى رجوعي
عييت و ما عدت قادر
الواد حمل وانا ما نعرف نعوم
نضرب ونضرب و نضرب
وانا في بلاصتي باقي
جات ماج معاها داتني
وفي قاعها رماتني
لقاتني درويش و على عنادها ما قديت
دارت فيا للي بغات
وحيدات ليا الريش
إيــــــه . حتى الزمان ما بقى كيف كان
و حتى السما برحمتها ما جادت
إمتى علينا تمطر و تحيي ديك النوارة
خسارة ما بعدها خسارة
تغييب الشمس و دور علينا الدوارة
و آ بنادم بكيت وما جفت دموعي
صحت و ناديت و لا من يسمع
و تسنى رجوعي
القلب تمرد و خرج من ضلوعي
عليه عولت و شلا وديان
تكونات من دموعي
صبر وكابر يا ولد الناس
لا بد في يوم تطلع الشمس و يزول الباس

موضوع: رد: أجي تشوف الخميس يناير 20, 2011 1:15 pm

نعم اخي كما قلت في اخر قصيدتك صبر و كابر يا ولد اناس

لا بد في يوم تطلع الشمس و يزول الباس

قصيدتك رائع فعلا

أجي تشوف 12653013071411644944

موضوع: رد: أجي تشوف الخميس يناير 20, 2011 3:40 pm

اهلا بجودك الزجلي
وبزخم عطائك البهي
لا جف منبع الهامك

موضوع: رد: أجي تشوف السبت يناير 22, 2011 5:06 am

ما جف ولن يجف بإدن الله شكرا على المرور الطيب