jadid sahtouta 2011

موضوع: jadid sahtouta 2011 الخميس فبراير 03, 2011 7:45 pm

هدا واحد لاستاد سول تلاميد ديالو قال لهم واش لبرد مدكر او لا مؤنت او هي تجوبوا واحد لبنت قالت له مدكر قال لها علاش قالت له ملي كن كون لبسة صاية كيهزهاليا
**************************
مكلخ دار محال سماه: متجر الأقمشة الكهربائية لحلاقة الأحذية الغذائية مفتوح 24 يوم في الساعة ما عدا السبت من أجل صلاة الجمعة
*****************************
واحد البوليسي شد واحد مول الطوموبيل يلاه عاد قبط البرمي...قالو أرا الوراق...الوراق مريكلين..الطونوبيل 10/10
حزام السلامة راه لبسو ...ملقا فين يشد في صاحبنا...قاليه: عندك سجالا ..قاليه : كاينا
وهو يخدمها ليه ..البوليسي ناض كيشطح
وقال ليه: علق علق الخوك شي 20 درهم
*********************************
مشاو عند واحد الحمار سولوه .. شكون هوا اغبى حيوان؟..قال ليهم ساهلا .. قالو لو شكون؟؟ قال ليهم هوا الحولي .. قالو لوفسر لينا .. قال ليهم دابا كيشريه شي راجل .. كيبقى يعلف فيه العام كامل .. نهار العيد كيقول ليه ارا عنقك نذبحك .. كيعطيهم عنقو بحال الحمار
*******************************
كالك هادو جوج معكازين مالقاو مايديرو جا
واحد كال لاخور غادي نبداو نجريو نهار آه نهار لا .... كاليه المعكاز لكبير
صافي مشات و لكن غادي نبداو بنهار لا
********************************

قالك هادي واحد بناااادمة
.. خيبووووعة .. وا الزين ماكيدورش فخنشوشها .. وماعمر شي واحد شاف
فيها ولا داها فيها ..
واحد النهار كانت غاديا .. وشافها واحد
الساط سكرااااان .. وبقى غادي وكيبسل عليها كيبسل عليها .. هي عجبها
الحااال .. ولكن بغات تدفع كبير .. دارت لعندو وقالت ليها .. اخويا باراكة
من البسالة انا راه هادرين فيا شي ناس ( زعما مخطوبة )
شاف فيها وقاليها :وا نيت.. كمارتك راه
غير ديال النميمية ..
************************
وحده فيقات رجلها قالتلو
شي حد فالدار، قالها أنعسي و سكتي راكي نعسا حدا سبع ، عاود فيقاتو يا
الراجل راهم تيخويو الدار،عاود قاليها : وانت نعسي را فجنبك سبع، يا
الراجل هاهما داييني معاهم ،قاليها : وا صافي غير سيري متخافيش راكي
مخليا سبع فالدار
***************************
واحد
طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي
حجا...طلاب قال ليه الله يجعلك من الدين امنو... مني شاف لقا ريال.. زاد
قال ليه ثم كفروا
**************************
شارفا ماتت عمرها ماغسلات شعرها... مني بغاو يغسلوه ليها.. لقا القمل كايصلي
صلاة الاستسقاء
****************************
واحد كايقولوا ليه الحاج شلاظة .كعا من
السمية.. مشا هاجر شي 30 عام باش انساو... رجع هوا يشوفوا واحد صاحبو
قديييم.. قال ليه واش نتا هوا الحاج بصلة اولا مطيشة اولا خص... الحاج
قال ليه تخلطها نخلط مك
*************************
الولدسول باه: ما معنى الأنترنت؟ باه: لا مانعرفوش ..الولد: أش كيعني بورج إيفيل؟باه: الله أعلم الولد: شكوناهوما عجائب الدنيا السبع؟باه: لا أوليدي ما نعرفهومش ...مو: باراكا عليك خلي باك إستارح شويا باه: لا لا لا لا غير خللي الولد إستافد شوية
******************************
هدو 3 فاسيات كيعيقوا على بعضياتهم
وحدة قالت ليهم انا راجلي غادي يشري المعاريف كله
و هي تقول التانية قالت انا راجلي غيشري توين
و هي تنقز التالتة قالت ليهم وشكون قال ليكم راجلي باغي يبيع

مع تحياتي لناس فاس
***************************************
احد البنت مشات لواحد المكتبة ،
وسولت مولها :- عندك شي كارت بوسطال فيها " إلى حبي الوحيد " ؟؟قالها :-
عندي. او هي تقول ليه :- عطيني شي سبعة
****************************
هدا واحد عصبي ڭـالس فالقهوة بغا إشعل ڭارو خصــاه بريكة بان لية واحد ڭالس فواحد طبلة و حاط بريكة هو إڭول معا راسو غـانود نطلبها ليه غاي إبدا إكترعليا ولا غي ڭوليا سيرشريها غن ســابو غي ڭوليا إنعل ممك غن صدق ضاربو بدا كي تغدد غير بوحدو هو ينوض عندو ڭاليه شتي ديك البريكة لبيتي تعطيني سير عطيها لمممك
***************************
احد مغربي هرب من الحبس في أمريكا شافو واحد امريكي سولو
Are you Lost ???
...قالو
No, I'm Prison Break
**************************************
واحد الخايبة داخلة للحمام فالصباح بكري و هي تلاقا معا جن خارج و هي تقول :تف تف تف بسم الله الرحمان الرحيم .. هو يقول ليه : حيدتيها ليا من فمي
***********************************
واحــد بـغـا يتـفـكـر ايـام الـطـفـولـة هـو يبول في سروالو
*******************************
سألت قلبي لمذا لا تنام الليل قال لي.... ما ديرش فيها مغروم راك نعستي بالنهار
**************

هدا وحد دري جرا عليه استاد ديال انفورماتيك اهو امشي عند لحراسة اهو اقوله مالك اولدي قاله جرا عليا مول السيبي
************************
قالت لرجلها حبيبي لولاد نعسوا ؟ قالها اييه ،قالت ليه اكيد نعستهم و سديتي الباب عليهم ؟ قالها اكيد يا عمري، قالت ليه يعني ما بقى حد فالبيت غير انا و انت ياك ؟ قالها اييه يا روحي غير انا و انت، قالت ليه
.اذن هاذ الريحه الخانزه جيا من رجليك، نوض اغسلهم ... الله يشويني فيك ألمعفـون
******************

واحد تنفس حذا واحد الشيباني، حشم منه وبغا يشوف واش عاق بيه قاليه: كيف دايرالسمع عندك ياحاج ؟قالو الشيباني : اللي مايسمعش يشم يا ولد الكلب

التعلق من فضلكم من اجل الاستمرار

موضوع: رد: jadid sahtouta 2011 الجمعة فبراير 04, 2011 2:08 am

مسطي

موضوع: رد: jadid sahtouta 2011 الجمعة فبراير 04, 2011 3:25 am

Hhhhhhhhh merci khoya

» jadid sahtouta 2010
» نكت fikhatar l3ach3an jadid 2011sahtouta
» نكات sahtouta 2
» اروع النكات sahtouta
» نكت مغربية تقتل من ضحك sahtouta